Mənzildə qapılar yalnız praktik deyil, həm də dekorativ funksiyanı yerinə yetirir. Onlar otağın interyeri ilə uyğunlaşmalı və şık şəkildə tamamlanmalıdır. Bizim tövsiyələrimiz Sizə qapılarınız üçün mükəmməl bir rəng seçməyinizə kömək edəcək.
Ağ qapılar
Ağ rəng xüsusi diqqətə layiqdir. Bu, qapı interyeri üçün universal bir həlldir. İnteryeri ağ rənglə pozmaq çətindir, amma həmişə məkanı təravətləndirmək və ona yüngüllük vermək olar. Neytraldır və döşəmə, divar, mebellərin istənilən rəngi ilə ahəngdar uyğunlaşır. Gözqamaşdırıcı ağlığı xoşlamırsızsa, daha yumşaq bir tonu, məsələn fil sümüyü və ya süd rəngini seçə bilərsiniz.
Pastel rəngdə qapılar
Pastel çalarları da şık həll yolu kimi seçilir. Yasəmən, açıq mavi, açıq sarı, şaftalı, nanə, solğun çəhrayı - hamısı məkanı vizual genişləndirir.
Bundan əlavə, belə rəng tonlu qapılarının köməyi ilə interyeri parlaq divarlar və kontrast rəngli mebellər ilə balanslaşdırmaq olar.
Tünd rəngli qapılar
Tünd rəngli qapılar döşəmə və mebel ilə maraqlı bir şəkildə uyğunlaşa və ya əksinə ziddiyyət yarada bilər. Belə qapını seçərkən interyerin həddən artıq yüklənməməsinə və tutqun görünməməsinə diqqət yetirmək lazımdır.
Qara qapılar
Qara rəngli qapılar da, ağ kimi eyni klassik həll hesab olunur, lakin interyerə çox diqqətlə daxil edilməlidir. Bu cür qapılar tünd vurğulu mebel ilə monoxrom və ya yüngül interyerlərə uyğundur.
Tünd qapılar digər rəng çalarlarda
Mavi, boz və yaşılın tünd çalarları interyerə şık vurğu qatır.
Parlaq rəngli qapılar
Diqqəti cəlb etdiyinə görə, zəngin rəngli bir qapını dekorativ element kimi istifadə etmək olar.
İnteryerə görə qapı rəngi necə seçilməli?
Mənzillin dizaynına uyğun qapı seçərkən dörd əsas prinsipdən istifadə edilir:
Onları birləşdirə və yaxud yalnız birindən istifadə etmək olar.
Qapıların döşəmə ilə uyğunlaşması
Qapı və döşəmənin bir-biri ilə ideal uyğunlaşan bir otaq çox şık görünür. Bu o demək deyil ki, onlar mütləq eyni rəngdə olmalıdır belə ki, qapının rəngi döşəmə çalarını təkrarlaya və ya ondan bir qədər açıq və ya tünd ola bilər.
Qapıların divar ilə uyğunlaşması
Qapı rəngi divara əsasən seçilə bilər. Qayda döşəmə ilə eynidır: bir-birinə yaxın və tamamlayıcı çalarlar olmalıdır. Döşəmə çox parlaq deyilsə və diqqəti özünə cəlb etmirsə, divarların rənginə orientasiya etmək daha yaxşıdır.
Qapıların mebel ilə uyğunlaşması
Qapı mebel ilə eyni rəngdə ola bilər.
Qapıların bir-biri ilə uyğunlaşması
Qapı seçməyin başqa bir qaydası: oxşar və ya eyni qapılar yaxşı görünür. Mənzil eyni üslubda və ya dəhlizin sahəsi böyük deyilsə, eyni model və rənglər üzərində dayanmaq daha yaxşıdır. Müxtəliflik istəyirsinizsə, qapıları bir sıra ümumi xüsusiyyətlə birləşdirə bilərsiniz. Məsələn, eyni rəngli, lakin fərqli formalı qapılar. Qapıların rəngi fərqlidirsə, əksinə, material və formaları eyni olmalıdır.
РУС