NEOKLASSİK ÜSLUB

Neoklassika - klassik və antik üslubların müasir interpretasiyasıdır. Bu üslubda, dekorasiyadan daha çox funsksionalliq və rahatlığa üstünlük verilir. Yeni klassik üslubu öz universallığı ilə seçilir, çünki demək olar ki, istənilən binanın və ya sahənin interyerində tərtib edilə bilər. Müasir rahatlıq və klassik üslub arasında seçimin ən ideal həlli məhz neoklassikadır. Bu üslub dəbdəbə, klassikanın müxtəsərliyi, sadəlik və funksionallığı birləşdiri

                         Neoklassika üslubun xüsusiyyətləri

Neoklassik üslubunda mükəmməl dizaynın əsas prinsipləri:

• İnteryerdə simmetriya, düz və dəqiq xətlərin və düzgün proporsiyaların olması üstünlük təşkil edilməsi.
• Dekorasiya üçün bahalı və nəcib bəzək materiallarından istifadə olunması.
• Bəzək kimi zərif elementlərdən istifadə edilməsi.
• Qızıl və ya bürünc detallı əsas çalarlara dekorasiya olunması.

                             Dekorasiya və materiallar

Neoklasika müəyyən üzlük materialları ilə fərqlənir.

Divarlar

Divarların dekorasiyada əsasən dekorativ, məsələn venesiya, suvaqdan və yaxud mat boyadan istifadə olunur. Divarların dizaynında köməkçi detallar kimi sütun, tağ və niş şəklində dekor istifadə edilə bilər.

  Divar kağızı həm monofonik dizaynda, həm də neytral naxışlarla və ya geniş zolaqlarla bəzədilmiş kətan da ola bilər.

Döşəmə

Bu üslubda olan interyerde döşəmələr müxtəlif ağac növlərindən, məsələn palisandr və yaxud palıddan istifadə edərək üzlənilir. Ağac təqlid edən keramikadan da istifadə edilə bilər. Neoklassikada, parket və ya laminat örtuklü  döşəmə lyuks  və mükəmməl görünüş verir. Taxta örtüyünə alternativ variant keramoqranit və ya cilalanmış mərmərdir. Belə alternativ üsul mətbəx və yaxud dəhliz üçün ideal bir variantdır. Qonaq, yataq otağı və ya qarderobu kovrolin ilə bəzədilə bilər.

Tavan

Neoklassika üslublu interyerde, tavanın divarların rəng tonuna uzlaşan ağ çararlarda dekor edilməsi daha məntiqə uyğundur. Tavanın dekorasiyası üçün səthi bərabər düzbucaqlara ayıran taxta panellərdən və yaxud karniz qəliblər, plintus və yaxud moldinqdən istifadə edilə bilər.

Qapılar

Otaqlararası zolaq ciddi simmetriyi ilə seçilir və bahalı ağac növündən hazırlanır. Neoklassikada əsasən açıq tonda, inci çalarlı təbii ağacdan olan qapılar istifadə olunur.

Şüşə, vitraş və ya güzgülər ilə tamamlanan, müxtəlix əlavələrlə bəzədilmiş panelli qapılar da  quraşdırmaq olar.

Rəng qamması

Bu üslubda olan interyerdə əsasən açıq rəng çalarlardan istifadə olunur.Əsas istifadə olan tonlar: ağ, süd rəngi, bej, boz, oxra və s.

Aksesuarlar, döşəmə və tekstil bəzək üçün mavi, tünd qırmızı, zümrüd, bürünc və ya qara tonlarda istifadə olunur.

 İşıqlandırma

Neoklassik interyerlərdə işıqlandırma çox vacib rol oynayır. Mat bir işıqlandırma, zərif dizaynı optimal şəkildə vurğulamağa və bütün detalları vizual olaraq vahid bir tərkibdə birləşdirir.

Otağı büllur çılçıraq ilə mükəmməl şəkildə tamamlaya bilərsiniz.

Mebel və texniika

Neoklasik üslubda açıq rəng çalarlarda olan zərif modellərinin quraşdırılması tövsüyyə olunur. Mebel istehsalında çox vaxt təbii ağacdan istifadə olunur.

Neoklassik üslubda mebel əşyaları ənənəvi xüsusiyyətlərə malikdir, məsələn, stullar əyri ayaqları və oval formalı oturacaqları ilə seçilir, kreslolar oymalarla, şkaflar isə şüşə əlavələrlə bəzədilir. Mətbəx üçün qiymətli metallardan hazırlanmış, tutacaqları olan ənənəvi bir görünüşə malik olan avadanlıqdan istifadə edə bilərsiniz.