Avanqard üslubu interyer dizaynda ən parlaq istiqamətlərdən sayılır. Bu üslubda ənənəvi dizayndan uzaqlaşmanı və interyerin qeyri-standart tərtibatını nəzərdə tutulur. Avanqardizm, incəsənətin xüsusi istiqaməti kimi, keçən əsrin 20-ci illərində yaranmışdır. Stil, gənclər arasında , incəsənətdə ənənələrə meydan oxumaq kimi yaranib. Avanqardizmin qurucuları gələcəkdə tamamilə yeni bir sənət yaradacağını elan etdilər. Orijinal və parlaq bir istiqamət olan avanqardizm yalnız rəsm və heykəltəraşlıq da deyil, həm də interyerdə də populyarlaşdı.
Üslubun xarakterik xüsusiyyətləri:
1) Qeyri-adi rəng birləşmələri. Avanqardda pastel rənglərdən demək olar ki, istifadə edilmir, əksinə ziddiyyətli və parlaq rənglər seçilir;
2) Qeyri-standart planlama, mənzildə zonalaşdırma üsullarından istifadə edilir;
3) Bəzək və dekorda ən yeni materiallardan istifadə olunur;
4) Orijinal mebel. Qeyri-adi formalar, rəng və istehsal materialı;
5) Texnoloji yeniliklər. Dəbli, müasir audio — video və məişət texnikası;
6) Vurğulara xüsusi diqqət yetirilməsi. Avanqard üslubda dizayn edilmiş hər bir otağın öz xüsusi vurğusu, interyerin mərkəzi elementi olmalıdır. Məsələn, bu yataq otağında bir yataq, oturma otağında bir divan və mətbəxdə bir masa ola bilər.
Avanqard üslubda rəng palitrası
Avanqard üslublu interyerdə kontrastlı, zidiyyətli rənglərdən istifadə olunur:
Çox vaxt, ən azı 3 rəngdən istifadə olunur, bunlardan 2-si ziddiyyətli olmalıdır.
Gəlin baxaq avanqard üslubda bir mənzil və yaxud evi necə tərtib edilir.
Divar
Divarları tərtib edərkən döşəmə, tavan və ya mebel ilə zidd olması vacibdir. Çox vaxt divarlar monoxrom dizayn olunmur. Məsələn, şokolad rəngli bir divarın narıncı əlavələri ola bilər.
Döşəmə
Divarlarda xəttlər və ya həndəsi formalar şəklində naxışlar üstünlük təşkil edirsə, döşəməni dekorasiya olmadan monoton etmək tövsiyə olunur. Amma, döşəmə divar və mebelden fərqli olmalıdır.
Tavan
Tavan üçün ciddi tələblər yoxdur. Əsas odur ki, döşəmə və divarlar ilə ziddiyyət təşkil etsin, laylı, asma və s. ola bilər. Tavanı eyni rəngdə dekor etmək şərt deyil. 2 rəng kombin oluna bilər, lakin bu zaman rənglərdən biri prioritet olmalıdır. Sıva və rəsm şəklində dekor istifadə edilmir.
Mebel
Avanqard dizaynda mebel həm funksional, həm də üslub xüsusiyyətli, diqqəti cəlb edən olmalıdır. Məsələn, kreslo bir bokal formada, divan isə qadın dodaqlar və ya royal şəklində ola bilər. Yataq otağında avanqard stili podiumda yerləşən qeyri-adi formalı yataq ilə vurğulana bilər.
İşıqlandırma
Müasir avanqard tərzi parlaq, lakin gözləri qıcıqlandırmayan işığı ilə xarakterizə olunur. Bunu çoxsaylı pəncərə və ya lampalar ilə etmək olar. Avanqard üslubda işıqlandırma cihazları orijinal forma və rənglərin kontrast birləşmələri ilə fərqlənir. Onlar otağın əsas məqamı ola və onun əsas ideyasını tamamlaya bilər. Ən çox istifadə olunan materiallar şüşə, metal və plastikdir. Stil çox işığı "sevdiyindən" işıqlandırma ilə onu aşmaq çətindir.
Avanqard interyer dizaynı aktual cərəyan hesab olunur və onu dizaynerlərin köməyi ilə istifadə edilməsi tövsiyə olunur. Parlaq rənglər, ziddiyyətlər, qeyri-adi formalar və s. avanqard üslubun bütün qaydalara uyğun həyata keçirilməsi üçün bir mütəxəssisin əli tələb olunur.
РУС