Bu gün sizinlə "Ağ Şəhər" ərazisində yerləşən "Ağ Saray Residence”də layihəmizin şəkillərini bölüşəcəyik.
Giriş zalı, evin ilk təəssüratını yaradan və ev sahiblərinin gündəlik həyatında xüsusi rol oynayan bir məkanıdır. Bu məkanda istifadəyə verilən mebellər, həm estetik, həm də funksional baxımdan əhəmiyyətlidir. Konsol və dəhliz dolabı, giriş zalının dizaynında xüsusi yer tutan iki vacib element hesab edilir.
Konsol, giriş zalının dekorasiyasında əhəmiyyətli bir rol oynayır və çoxsaylı funksiyalar təmin edir.
Mənzilin üslubuna uyğun dizayn edilən konsol üst hissəsindəki qızılı çərçivəli güzgü ilə görünüşü tamamlayır.
Konsolun alt hissəsində kiçik saxlama bölmələri mövcuddur. Bu, açarları və digər kiçik əşyaları təşkil etmək üçün əla bir həll təmin edir.
Dəhliz dolabı, giriş zalında təşkilatçılığı təmin edən və əşyaların səliqəli şəkildə saxlanmasına kömək edən vacib bir mebel parçasıdır.
Bu, girişdəki qarışıqlığı aradan qaldırır və səliqəli bir görünüş yaradır.
İçərisindəki rəflər və bölmələr əşyaları səliqəli şəkildə təşkil etməyə kömək edir.
Oturacaq və güzgü dəhliz dolabının funksionallığını daha da artırmışdır.
Giriş zalının ümumi dizaynı ilə uyğun olan rənglərdə hazırlanmış dəhliz dolabı, məkanın estetik görünüşünü tamamlamışdır.
Qonaq otağının mərkəzində açıq tonlarda dizayn edilən tv stendi ilə müasir və estetik bir görünüş əldə etmək mümkündür. Bu növ stendlər, otağın dizaynını daha zərif və geniş göstərmək üçün idealdır.
Açıq tonlar, otağın daha geniş və işıqlı görünməsini təmin edir. Tv stendin açıq rəf hissələrində quraşdırılmış işıqlandırma diqqət çəkən detalların vurğulanmasını təmin edir. Bu, həm estetik, həm də funksional bir əlavədir.
Stendinizin ətrafında dekorativ əşyalardan istifadə edərək, harmoniya və bütünlük yaradılmışdır.
Divarda quraşdırılmış güzgülər isə məkanın interyerini tamamlayan elementlərdən biridir. Şık və zərif görünüş ilə qonaq otağına xüsusi ab-hava əlavə etmişdir.
Neoklassik üslub, klassik dizayn elementlərini müasir təfəkkürlə birləşdirərək, zamansız bir estetika təqdim edir. Dizayn etdiyimiz açıq rəngli və qızılı tutacaqlı mətbəx mebeli, bu üslubun gözəl bir nümunəsidir. Qızılı tutacaqlar, mebelin üzərinə əlavə bir lüks qatır. Bu, neoklassik üslubun klassik və zərif elementlərini müasir təfəkkürlə birləşdirir.
Mebel dizaynı, istifadə rahatlığını artırmaq üçün yaxşı düşünülmüş bölmələr və saxlama yerləri ilə təchiz olunmuşdur. Tavana qədər olmaqla dizayn edilən dolablar mətbəx əşyalarınızı təşkil etmək üçün idealdır.
Mebeldə istifadə edilmiş dəzgahlıq üçün akrilik da. “Miracle Stone” kolleksiyasına məxsusdur. Furnitura Alman firmalarına aiddir.
Camaşır otağı evin vacib sahələrindən biridir və özünəxas funksiyaları ilə xüsusi əhəmiyyət kəsb edir. Burada həm gündəlik, həm də xüsusi təmizləmə işləri həyata keçirilir.
Camaşır otağında paltarların yuyulması, qurudulması və ütülənməsi üçün bütün lazımlı avadanlıqlar yerləşdirilmişdir. Əlverişli, tavana qədər olmaqla dizayn edilən saxlama dolabları paltarların təşkilini asanlaşdırır.
Camaşır otağında paltarların, təmizlik vasitələrinin və digər əşyaların saxlanması üçün müxtəlif bölmələr yaradılmışdır. Yaxşı planlaşdırılmış saxlama məkanı, otağın daha səliqəli görünməsini təmin edir.
Camaşır otağının dizaynı vacibdir. Yüksək keyfiyyətli və funksional materiallardan istifadə edərək, estetik və müasir bir görünüş əldə edilmişdir.
Furnitura Alman firmalarına məxsusdur.
Yataq otağı, günün sonunda dincəlmək və yenilənmək üçün vacib bir məkan olaraq, həm funksional, həm də estetik baxımdan yaxşı düşünülmüş olmalıdır.
Yataq otağının mərkəzində olan yataq, zərif görünüşü ilə dizaynı tamamlayır.
Açıq tonlarda dizayn edilən dolab mebeli paltarlarınızı, aksesuarlarınızı və digər şəxsi əşyaları rahat təşkil etməyə kömək edir.
Komod və makiaj masası, yataq otağında əlavə saxlama və dekorativ funksiyalar təmin edir. Çəkməcələrdə kiçik əşyaları, kosmetik məhsulları və ya digər lazımlı əşyaları saxlamaq üçün kifayət qədər bölmə mövcuddur.
Otağın rəng palitrası rahatlama hissini artırır. Yumşaq və açıq tonlar, sakitləşdirici bir mühit yaradır.
Yataq otağında düzgün mebel dizaynı, həm komfort, həm də estetik baxımdan ideal bir məkan yaratmağa kömək etmişdir.
Gənc uşaqlar üçün yataq otağı, həm funksional, həm də kreativ bir mühit təmin etməlidir. Bu otaq, onların rahat bir yuxu əldə etməsi ilə yanaşı, öyrənmə və yaradıcılıq üçün də ideal bir məkan olmalıdır.
Funksional dizaynda hazırlanmış yazı masası və dolab mebeli məkanın ümumi stili ilə uyğunluq yaratmışdır.
Geyimlər, kitablar və digər əşyaları üçün kifayət qədər saxlama yeri təhciz edilmişdir. Dizaynda zərif və xoş rənglərdən istifadə edərək, enerjini artırmaq və yaradıcı düşüncələrini təşviq etmək üçün ideal məkan yaradılmışdır.
Nəticədə ən uyğun mebelləri və dekorativ elementləri seçərək, komfortlu və ilham verici bir məkan dizayn edilmişdir.
РУС